L'Anima

Chi fussi lu corpu
senza ragiuni,
privu di  sali
ni lassa diuni,

Pi sempiri

Comu astutari
stu focu ardenti,
ca pigghia lu cori
annegghia la menti,

Lu Paiseddu

Npuntinu è ni lu Munnu,
si lu vardu mi cunfunnu
ma ci sugnu misu 'ncoddu
di  quann'era picciriddu

U me Paisi

Stu Paisi u canusciu
na ogni gnuni
di li Chiazzi,
li vaneddi e li barcuni,

A Lenti

fa troppu caudu è u misi d' Austu
supra na sdraja o suli m'arrustu
posu l'ucchiali chi lenti sudati,
a li zanzari chi spacciddati!

A Lupara

Sulu n'celu l'Omu 'mpara
quantu è dura la Lupara
ca lu tempu di capillu
sali mortu a diriccillu!

Bongiornu

Bongionnu a te 
amicu beddu
ca tagghi a fami
cu lu cuteddu
a te ca vita 
è stintiata
suli chianati,

Paternò

Bidduzzu e nicu è lu me paiseddu
pi  me  è sempri lu chiù beddu
stinnicchiatu sutta la Nurmanna
la Matrici auta lu cumanna


troppi li testi sunu di iunciri
pi lu campari l'anni ca viniri
la cosa giusta ca si pò pruvari
vulillu beni senza pritindiri


lu bonu cittadinu è chiddu arrisidutu
a tutti duna cuntu e nuddu va sparratu
di iri fora munnu ci pensu si e nò
mi godu li quarteri di la bedda Paternò.


Picos

Lu Gilatu

La casa era nica e abbannunata
ni la chianata di l'Itria cullucata
la genti ci passiava cantu cantu
stasiata si firmava pi mumentu.

Cantava a vuci duci na canzuni
la bedda figghia nica i Nunziata
m'picava i masculiddi tipu li lapuni
abbannutati n'celu cu la sirinata.

Leggimi

Leggimi,
quannu ai tempu
quannu poi

Leggimi,
su ti dicu
ca ci a fai.
Ju nan sugnu
'mpurtanti
e parrari mi poi,
scrivu chiddu
ca sentu
ma nan è chiddu
ca voi,

Giografia

N'tappitu, arradiu e
n'bellu caminettu
lu luci n'candiscenti
rifletti i liniamenti
e ju, Pueta di natura
di la pittinatura
scinnennu cu la manu,

Osvaldu

Mi susiu di matina
quattru cosi no comò
cu ma soru Cuncittina
stari 'ncasa non su pò

ni li scappi la scupitta
oggi vaiu a Strata Ritta
tu passii cu ta soru
brillantini e cosi d'Oru

Scrivu pi te

ju scrivu pi te,
nan tu maginavi ah?

L'Amuri è 'nsognu

Tu eri zita
cu Toni
e niscevi cu
iddu,
cu li sciuri
na testa
e cu la gioia
no cori

Ma unni Vai?

Na stazioni
ju sugnu a stasira,
u trenu parti
mi lassi ciancennu
picchi mi scappi
dimmillu na vota,

Picchi u fai?

Ju sugnu u Ventu
o la Timpesta,
poi quannu
scampa
sugnu lu Suli,
ca ardi pi Te,
pi Te ca fremi
e stai nirvusa
dicennu cosi
alla rinfusa,

Lu Curtigghiu

Lu curtugghiu
era 'nquatratu
no Paisi situatu
s'assittaunu
na seggia
e sparraunu
pà raggia.

Storia dìAmuri

Si nilla testa to
c'è amuri e sintimentu
no, no mi diri no
ancora stu turmentu!

...Eri na cosa nica
a scola era u liceu
passiavi cu n'amica
e nenti ci nisceu,

poi passunu li misi
mi fazzu chiù prisenti
accuminciunu surrisi
diventi chiù eliganti!

A casalinga

Ti susi di matina,
a sicchia a candiggina.
Rivoti la to casa
lu masculu ti vasa,

li seggi si canziunu
i nichi cazzuliunu
mittemili no lettu
u nicu è chiddu spettu!

Tragedia Sicula

'Benadica a tutti paridi na cosa va è parrari

di n'Paisi cu la Turriunni lentu u tempu scurri,

ca li casi sunu stritti
e li fimmini su spetti,
li masculi cuntati
ogni sira sirinati!

Lu barcuni è nicareddu
ci pusteggi u sciccareddu
na la manu la chitarra
e pi te lu cori parra.

Idda è bedda e tunnicedda
sempri sula ninzintedda
lu to cantu ci piaci
ti marita cu la paci.

Quannu tuttu è sistimatu
lu parrinu è arriatatu
ma la uci dici chiaru
cu nan parra è munzignaru!

Fermi tutti , chi faciti
lu matrimaniu pruibbiti
stu signuri è spusatu
di la chiesa e di lu statu!

Chi diciti munzignaru
di sta cosa sugnu 'ngnaru
su la genti cà mi cridi
ju nan misi mai la fidi!

Li famigghi su 'nfirmentu
tutti n'terra no frumentu
tumpulati e muzzicuni
la vindetta pi scasciuni!

Agghiurnari di tri misi
ci finenu li surrisi
ca la fimmina cunfunna
misa i sciancu è chiù tunna!

Ah, lu fruttu t' à lassatu
e pareva 'mpriparatu
chi facemu pi rimidiari
lu carusu a ma chiamari!

Si prisenta risidutu
cu lu fari di n'curnutu
e ci dici a vuci fina
sta minestra cu arrimina?

Chi voi diri, dici a Matri,
tu jucasti cu li petri
pà bonarma dò Zù Puddu
ci rumpisti u caruseddu!

Lucarusu resta tisu
e si leva lu surrisu
si ci curvunu li spaddi
e li ammi avi moddi!

Ma chi dici signuruzza
la me manu mai ci truzza
ju aspittava la funzioni
mi mittiricci attinzioni!

Vostra figghia è cuscenti
di lu masculu giacenti
fussi cosa di spiari
cu ci desi lu piaciri!

Ah, maliditta figghia mè
tutta a copia di sa Zè
ogni masculu passanti
l'avi n'casa comu amanti!

Veni ccà disgazziata
non ti dugnu tumpulata
nesci fora lu so nomu
o ti cerca su è Omu!

Fermi tutti , chi faciti!

Ma sta frasi è 'mpicata,
nilla menti cullucata,
siti forsi lu seggettu
ca 'mpidiu lu prugettu?

Si signura sugnu ju,
ormai odiu nenti chiù
'ntirpillastru cu è Omu
Fui, ju, nan sacciu comu!

Ah, na sai cumu? Ma va?
Malidittu veni ccà
ca ti scippu a scimitarra
è la matri ca ti parra!

Unni vai cunpari Turi
cu la facci i tradituri
la to morti è lu prezzu
o la porti cu lu mazzu!

Fermi tutti, chi faciti!
sugnu prontu, aspittati
mi la sposu cu piciri
e mi godu cu a nasciri!

Finalmenti su cuntenti
abbrissati li parenti
la campana soni rari
tutti n'chiesa a priari!

Si lu sposu è carinu
cirimonia lu parrinu
allu scambiu di lu Si
idda scatta adaccussi!

Fermi tutti, aspittati!
li prisenti su scioccati
tutti a ditta timurusi
semu n'clima di supprisi?

Fermi tutti amici mè
matrimoniu nan ci nnè,
picchi u patri di stu fissa
è cu predica la missa!

Arraggiati l'invitatati
cu li seggi su armati
assicutunu Patri Ugottu
ca s'abbagna lu viscottu!

Picos