La Fuitina

Lu  Paisi era  nicu  e  cuncintratu
di lu  mari   a lu  borgu  ritiratu
li famigghi canusciuti  a unu a unu
masculi  e fimmini  manu ni la manu 

i  tempi  cangiunu  ma la genti mai
o  si  riccu o  sordi  non  ci nnai
e  quannu  zitiunu  li picciutteddi
non taliunu li ricchi o li puvireddi

li matri  ca fanu  li  straordinari
pi la  doti e pi cuntari  li dinari
rifirennu allu  maritu  li  so beni
pi  l'appovazioni  e  lu sta  beni!

troppo voti capita unu  sbilanciatu
ca lu  zitu o la zita senza  sciatu
lassunu alla nutizia  ca è nigativa
di  maritari non c'è la pruspittiva

pi mancaza  di dinari non  si conza
stu ligami, la coppia ca  si sconza
veni misa cu li spaddi ndi lu  muru
troppu la caluria,fuitina di sicuru

l'amuri  mpidutu  ppi  li ricchizzi
non  tineva  cuntu  di  li biddizzi
tanti famigghi erunu  ngramagghiati
senza amuri cu la sputazza  npicati

di sti  situazioni ci nerunu  tanti
fora lu  sposu  e traseva  l'amanti
picchi la coppia avi na furma  sula
n'masculu e  na fimmina su la reula

quannu lu masculu si vanta l'amanti
s'accoppia ca fimmina comu su tanti
girannu la rota, cuntannu  la genti
si chiudi u giru curnuti e cuntenti

Picos

L'Omu Putenti

quannu  Donna Carmela passava 
quasi tuttu lu paisi a taliava
pi li  muvenzi e annacatina
di tutta la zona era a reggina!

Idda era sposa di Sarvaturi
poviru cristu, faceva u pitturi
tannu campava na mala pirsuna
ca tuttu pigghia e nenti duna.

Poviru figghiu fu richiamatu
di lu putenti omu abbramatu
si tu la vita voi campari
a to muggheri cà ma purtari!

Tuttu scassatu torna a so casa
e a Carmela cunta ogni cosa
idda lu teni forti ppi manu
dumani a matinu scappamu luntanu.

ma lu putenti  ci avi nutizia
chiudi li strati cu tanta pirizia
li du cristiani forti attaccati
venunu a li  pedi di l'omu purtati!

A Sarvaturi centu e chiù frustati 
a la so fimmina no lettu purtati
na stu paisi sugnu u  riggenti
fazzu li cosi di la  genti putenti.

Lu porcu s'abbressa pi la sirata
avi la fimmina tantu  bramata
arriva pronto intra lu lettu
e lu pugnali si trova n'do pettu!

Picos

A Figghia do Re

Mpiccicata na finestra 
taliannu li persuni sulla destra
di lu Re idda è la figghia
non avi mindicanti ca sa pigghia!

Unu nobbili a essiri pi la manu,
macari babbu, figghiu di Surtanu
chinu d'oro e gimmi priziusi
di lu Re 'ntuppa li purtusi.

Nu Vikingu autu e furzutu,
cu la spada e cu lu scudu ricamatu
quattru navi chini di tisori
milli schiavi ci prumetti su non mori

'nfranciseddu, tuttu errie tuttu  mosciu
allicchittiatu cu li scarpi di camosciu
di la Francia e lu spumanti è patruni
ma l'aspettu è sulu chiddu di ncafuni!

Di la finestra idda ammira
Pippuzzeddu ca si stira
campagnolu, ma chinu di biddizzi
brunu ,autu e cu li trizzi!

Lu patri Re vastunati ci prumisi
su turnava a la Turri ne se misi
ma l'amuri ti fa la testa dura
pensi a idda e ti la 'npichi mura mura!

Prilivatu cu li spadi ni la gola
fu ammazzatu  senza diri na parola
la finestra era ranni e 'nvitanti
a Principissa si ittò supra l'amanti!

Picos

A Ballata

Na npaisi cu l'emblema di la Turri

ci campava na famigghia sana ma puvuredda

lu patri zappaturi, e la matri occhi azzurri

di lu triu c'era a figghia, 'ntiliggenti e puri bedda!

La so vita sciddicava liscia e duci

fino o iornu do passiu cu la festa

na chianata di lu Cristu cu la cruci

visti a Puddu e si lu 'nbica ni la testa!

-A me matri ci a e spiari

non mi fazzu chiu pirsuasa

cumu mai iu a e pinzari

sempiri a Puddu intra a casa?

-A matruzza chi vo fari

pi lu cori non c'è liggi!

dacci tempu di pinzari

su ti voli si cunvinci

mancu u tempu di parrari

sentu a porta attuppuliari

-Rapissi signuruzza , ci la è cantari

cu la so bedda iu vulissi zitiari

-Trasi picciutteddu, na me povira dimora

iu aprrezzu gintilizza e lu to stari.

-A me figghia ci a parrari, era ura!

manu a posto e senza.... accarizzari!

Li palummi senza sciatu s'accuvanu

facci a facci tutti tisi no divanu

suttavuci , paruliddi e sintimentu!

carusiddi isamu a vuci, non vi sentu!

Passarunu li iorna e li simani

chini di passioni e sciuri rari

pi li carusi ca si stringiunu li mani

arriva lu mumentu, sa na maritari!

Quannu tuttu è abbrissato pi la chiesa

veni fora na pirsuna e na surprisa,

-Sugnuruzza ci a e parrari, senza offesa!

Pensu propriu siti nata ca cammisa!

-Lu baruni Testa, di sta chiana sugnu

e cu lei iu vulissi pigghiari npegnu

troppu bedda è la figghiaredda so,

ci aiu nfigghiu ca la visti e annurbò!!

Ju vi portu li dinari, casi e tirreni

su ci dati lu vostru benistari

vi vestu a festa e vi leu di stu maazzeni

ah, vi dugnu sta iurnata pi ci pinzari!

-Carissimu Baruni, a ta vistu a me maritu?

quannu u visti nun ci aveva mancu lu vistitu

la presenti era pussidenti, figghia di Dutturi

ma lu cori non varda sordi, e vuliu n'zappaturi!

La me vita a e passatu si pisanti, mai sufferta

e a me figghia non ci vinnu lu distinu,

vi l'accattati cu li piaciri e cu lu pizzu

umili semu, ma ppi l'amuri nan c'è prezzu!

-Matri cu parrava cu vossia frasturnatu?

-Nenti gioia , era menticanti, sulu e scunsulatu

ni la vita ha statu tantu furtunatu

ora va circannu amuri, ma non trova lu mircatu!

Picos