A Lupara

Sulu n'celu l'Omu 'mpara
quantu è dura la Lupara
ca lu tempu di capillu
sali mortu a diriccillu!


Tu campavi no quaranta
la to voria era tanta
cu la forza cumannavi
menzi omini ci mannavi.

Pi lu pizzu all'ambulanti
pi li nichi mistiranti
ma la cosa chiù fitusa
su li morti alla rinfusa!

Cu la coppula pi cappeddu
ti sintevi lu chiù beddu
e na sira cu li stiddi
furriavi li vaneddi

la chiù bedda ti scattasti
no barcuni cu li rasti
senza perdiri n'minutu
lu maritu fai curnutu


Ah, la Matri,quali sbagghiu 
assistiu lu so figghiu
ammucciatu na 'mpurtusu
ti prumetti di carusu!

U piciottu è sulitariu
cu la testa di 'mprimariu
nan ci volunu primuri
pi lavarisi l'anuri!

Veni u jornu di la festa
lu Putenti è misu n'testa
cu la voria priputenti
di cu sfrutta la so genti!

Nesci fora chi prisenti
la Lupara chiù putenti
nan si sapi unni è misa
ma ci scassa la cammisa,

casca n'terra comu n'piru
avi lentu lu rispiru
mentri varda lu carusu
ca ni la testa fa n'purtusu.

A Matri nan si tocca!

Picos