Lu Gilatu

La casa era nica e abbannunata
ni la chianata di l'Itria cullucata
la genti ci passiava cantu cantu
stasiata si firmava pi mumentu.

Cantava a vuci duci na canzuni
la bedda figghia nica i Nunziata
m'picava i masculiddi tipu li lapuni
abbannutati n'celu cu la sirinata.

Cori strazzati e masculi stasiati
ni li scaluni ca portunu a cullina
l'aria di stati cu li gran sudati
portunu n'cima l'omu che gilati.

Cumincia la scerra pi cui ci l'accattari
omini n'guerra pi aviri la cunsigna
idda s'affaccia cu cennu d'accittari
sulu accussi la paci regna.

Mentri ca tutti a vardunu n'cantati
lu gilataru ci porta na cuppetta
la proi cu li fari dilicati
lu trasi intra e a nuddu chiù aspetta.

Picos