Lu Curtigghiu

Lu curtugghiu
era 'nquatratu
no Paisi situatu
s'assittaunu
na seggia
e sparraunu
pà raggia.

Tuttu u jornu,
curimini
di vasuni e fuitini
dopu 'ncoppu
di rasteddu
si vutava lu
chiù beddu.

Fimmineddi
i maritari
ammustrati
o signurinu
iddi l'occhi
sempri 'nterra
ricamannu
o tamburinu.

Poi passava
lu carrettu
maniatu
i chiddu spertu
vanniava
ad ogni ura
li rarizzi da virdura!

Ma la cosa
assi chiù bella
era iri
a funtanella
cu la giara
o lu bummuliddu
na viuta o
picciriddu.

Lu curtigghiu
desi fama
alla fimmina
curtigghiara,
ca lu tempu
trasfurmau
ora i sona
ca chitarra
ma c'è chidda
assai chiù spetta
ca ti scuncica
e ti ciatta.

Picos