U me Paisi

Stu Paisi u canusciu
na ogni gnuni
di li Chiazzi,
li vaneddi e li barcuni,



e li voti ca ju nesciu
pi passiari
posu l'occhi a cosi
novi i taliari
u riordu di la strata
basulata
di la genti
ca faceva a caminata
pi 'ncuntrari quarchi
amicu spinsiratu
e spiaricci arridennu,
unni a statu?
La nova carusanza
nesci fora
prifirennu discotechi
pi com'ora
o passiari pi li strati
cittadini
affullati di nirvusi
pillirini
Tutti varduni vitrini
cu primura
o li cosi pi vinniri
mura mura
Lu me Paisi
si svutau
ni li strati sulu i cani
fanu bau
ca la bella passiata
tirminau!

Picos