A casalinga

Ti susi di matina,
a sicchia a candiggina.
Rivoti la to casa
lu masculu ti vasa,

li seggi si canziunu
i nichi cazzuliunu
mittemili no lettu
u nicu è chiddu spettu!

I robbi a lavatrici,
stati fermi tu ci dici
stinnemu li pagghiazzi
i nichi fanu i pazzi.

A stanza è vagnata
c'è na telefunata
u tempu d'asciucari
ti metti a tagghiari

n'secunnu e rapi u gassi
la posta cu li tassi,
mettemicci a pignata
a scupa è pusata.

Vistemu i picciriddi
brissamini i capiddi
purtamili na nanna
ca fattu ta dumanna!

Turnamu a pedi a casa
'npunenniti la spisa
facennuti scaluni
pisanti è stu muluni!

Cunsamini la taula,
leggemini na faula
liccanniti lu itu
arriva lu maritu.

Ma comu si assittata
biata e accumudata
ju ma e fattu nmazzu
o jornu mi strapazzu!

Tu lu tali na facci,
li to capiddi ricci,
aspetta ca mi chinu
a coppi di tappinu!

Picos