Maliditta sta sfurtuna
quattru passi versu l'Una
direzioni Quattrucanti
sempri chinu d'emigranti
di pirsuni abbarruati
stari n'casa su furzati
tanti porti cu siloca
genti n'strata cinnè poca
acchianannu pi la Chiazza,
ca na vota era tirrazza,
di travagghiu cu dinari
o di cosi di vinniri
quattru atti ne lampiuni
comu tanti pinnuluni
vai vidennu a ogni passu
ca lu Paisi è dipressu!
Caminannu u tempu curri
e m'affacciu versu a Turri
ca na vota era splindenti
e vardannula è ciancenti
di li petri nesci n'chiantu
riurdannisi lu vantu
di n'Paisi ca era l'asu
ju la toccu e ma vasu.
Picos
