Settembri

Sudannu arriva n'punta di pedi
pinsannu o friscu pari c'arridi
iddu è la porta misa a vanedda
di la staggiuni ca torna fridda!

Veni lu ventu ca gira tunnu
sintumu amaru di l'Autunnu
ca svesti li rami senza la fogghia
comu la matri senza la figghia,

lu so caminu porta riali
ca ti furrii e veni Natali
gira lu fogghiu, c'ai n'annu supecchiu
ti vardi allu specchiu sempri chiù vecchiu!

Comu vulissi turnari arreri
essiri Maggiu chinu di sciuri
ma lu pianeta gira lu stissu
macari su tu stocchi lu mussu,

girannu mutu e senza timuri
chiudennu l'occhi di li duluri
ca li pirsuni ca porta a spassu
già lu ittanu intra lu cessu!

Picos