 |
Nannu, Nannu,
picchi a Luna è Menza?
Si spatti quannu penza
picchi su l'omu menti
ci leggi i sintimenti
su vida cosi storti
si muccia la so parti
e quannu lu pirduna
la facci sana duna!
Nannu, Nannu,
chi sunu di puntini?
Ah, chiddi sunu Stiddi
su tanti piciriddi
ca quannu vanu 'ncelu
s'addumunu co scuru
si ti cumporti bonu
ti fanu bellu donu
si mettunu a disignu
mustranniti lu segnu!
Nannu, Nannu,
picchi u Suli è russu?
Picchi è chinu i raggia
la genti nan sta saggia
di tanti lingui parra
ccicata di la guerra
ti scanna l'animali
aceddi leva l'ali
ci scippa puri a peddi
pi farisi i capiddi
cu l'ossa fa sapuni
fa moriri i lapuni
ca sunu li vitturi
di tutti li curturi,
murennu la natura
u munnu picca dura,
ti pregu niputeddu
faciti n'munnu beddu!
Picos
