Osvaldu

Mi susiu di matina
quattru cosi no comò
cu ma soru Cuncittina
stari 'ncasa non su pò

ni li scappi la scupitta
oggi vaiu a Strata Ritta
tu passii cu ta soru
brillantini e cosi d'Oru

Osvaldu, Osvaldu
chi bellu nomu è u tò!

Già ci scippu na risata
pari megghiu di so Mà
giniusi i carusiddi
di lu Patri anu i caddi

vidu i stiddi di matina
giramento versu Nord
lu vistitu ca misi
mancu u tempu ca s'allord!

Osvaldu, Osvaldu
chi belli i denti tò!

Era megghiu Cuncittina
ca di manu non ci pò
megghiu tornu allu pagghiaru
ca ci passi munzignaru!

Votu allura na vanedda
isu l'occhi e vidu a Zè
comu 'nciuri la chiù bedda
lassu i soru e vogghiu a Te!

Picos