Passiannu

Passiamu a Strata Ritta
cu la genti fitta fitta
ogni fini di simana
genti nova ca camina,
c'era ju, cu li cumpagni
sulitari e senza 'npegni
chiddi ziti alliniati,
di li soggiri scurtati.

C'è la Matri ci st' attagghiu
ca si sciuscia co vintagghiu
e lu Patri priuccupatu
di lu enniru nghiaccatu,
picchi sapi quantu vali
sa luari a cambiali!

Ogni amicu è na sosta
na dumanna e na risposta
ma la  fudda era tanta
na lu jornu di  la Santa
tutti arreri alli varetti
annacati  i chiddi sperti
a Santantoni tutti pari
misi fitti pi li spari!

Ni la Chiaza principali
mastriceddi e manuvali
o quarcunu ca ti tinci
cu lu prezzu di l'aranci. 
pi nviaggiu i carritteri
misi n'fila ad  spittari
li clienti sunu tanti
lu pusteggiu o Quattrucanti!

C'era unu ca secentu
ca pareva misu i cantu
pi cu c'aveva a smania
lu purtava a Catania
ni lu chiuanu di la Urna
fa lu giru e dopu torna!
Cu lu suli e quannu chiovi
c'era chiddu cu li ngiovi
ti ni dava dui a volu
misi nsali no casciolu!
Cìè na fimmina talia
lu vancuni cu la calia
fatta nfocu senza rabbia
misculata ni la sabbia!

Era bellu lu Paisi
sempri chinu di surprisi
cu lu cirima all'apertu
e Tiatri di rispettu
ca la genti friquintava
e li parti ti cuntava!
Si, finiu la passiata
chi muturi fu cangiata
e la Strata è fatta a spicchi
cu la machina ti 'nvicchi!

Picos